--> content="c4696a06fad95497ae378dd827b45a12"
اتعلم محاسبه

آخر الأخبار

اتعلم محاسبه
كتب محاسبيه
جاري التحميل ...
كتب محاسبيه

شرح قائمه التدفقات النقدية طبقا لاخر تعديل لمعايير المحاسبيه

شرح التدفقات النقدية بطريقة مبسطة جدااا ىقائمة التدفقات النقديةCash flow statement.
معيار رقم (4) المصرى معيار رقم (7) الدولى

مبدئيا :-ماهى قائمه  التدفقات نقدية؟

 يعنى فلوس داخلة وفلوس خارجة cash in , cash out من خلال الثلاث انشطة الرئيسية اللى هنتكلم عنها دلوقتى .
خد بالك :--ان جميع القوائم المالية تعد وفقا للإساس الإستحقاق ماعدا قائمة التدفقات النقدية تعد وفقا للإساس النقدى .-
لماذا يتم اعداد قائمه التدفقات النقديه طبقا لاساس النقدى بينما باقى القوائم الماليه تعد طبقا لاساس الاستحقاق  ؟؟؟؟؟؟
هقولك نظرا لقصور اساس الإستحقاق والتكلفة التاريخية فى التعبير عن التدفقات النقدية المتدفقة من النشاط وتحليلها والتنبوء بها

.ماهو اساس الإستحقاق و الإساس النقدى وما الفرق بينهما ؟

هقولك يبقى لازم تفهم معايا حاجة مهمة جداااااااااااوهى الفرق ما بين كلا من اساس الإستحقاق والإساس النقدى ؟بمنتهى البساطة " اساس الإستحقاق" معناه ان انا بعترف بالمصروف بغض النظر عن كونه مسدد او لم يسدد ، وكذلك بيتم الإعتراف بالايراد بغض النظر عن كونه محصل او لم يحصل .
بينما " الاساس النقدى" العكس لا يتم الاعتراف بالمصروف الا عند سداده ولا يتم الاعتراف بالايراد الا عند تحصيله فقط .معلومة كده على الماشى ،،،،،،،،
جميع الشركات الهادفة للربح تتبع نظام او مبدأ الاستحقاق بينما الشركات او الهيئات الغير هادفة للربح تتبع نظام او الإساس النقدى .

ما هو الهدف من قائمة التدفقات النقدية ؟

يكمن اهمية قائمة التدفقات فيما يلى :--اغلبنا بيقع فى نقاش مع الملاك " اصحاب الشركة " لما بيسئل انابكسب طيب فين الربح وليه ما ممسكتوشفى ايدى ""الإجابة ببساطة موجودة فى القايمة دى لانها بتحلل التدفقات النقدية " الداخلة والخارجة" من كل بند من بنود الميزانية "
يعنى بمعنى اخر القايمة بترد عليك وتقولك انك لو معاك  0111111فى اول السنة وطول السنة فى حركة بتشترى وتبيع وشغال جيت اخر السنة بقا معاك  0511111القايمة دى هتبين الفلوس اللى دخلت وخرجت ونوع نشاط كل حركة زى ما هنشوف ونعرف دلوقتى .
-حاجة تانية بتشير الى حركة النقدية بالمنشأة والتنويه عن مخاطر السيولة والتدفقات النقدية والتنبوء بها .يعنى ايه الكلام الكبير دا ،،،، يعنى من الاخر انت ممكن تكون رقم اعمالك من خلال قايمة الدخل 0111111بس انت خايب فى التحصيل محصلتش منهم غير 011111جنيها فقط يبقى انت عندك مشكلة ومخاطر فى السيولة .علشان تاخد بالك وتتفادى قصص الافلاس والتصفية .من الاخر كده ،،،،،،،،،،
الخلاصة .بتوضح فين فلوس الملاك ومدى جودة الادارة للنقدية بالشركة ، وهل هناك احتمال للأفلاس او الإحتياج الى تسهيلات ائتمانية .

ماهى طرق اعداد قائمة التدفقات النقدية ؟

الحقيقة ليها طريقتين للإعداد وهم :
اولا : الطريقة المباشرة ( وهى الطريقة الكلاسيكية بتعرض اللى جاى من المبيعات واللى جاى من المشتريات واللى جاى معرفش منين وهكذا ، ومش هنتكلم عنها لأن لن تقابلها عمليا كتير)

 2-الطريقة الغير مباشرة ( عبارة عن تسوية بتجرى على صافى الربح او الخسارة المحاسبى اما بالزيادة او النقصان ، ودى الطريقة شائعة الاستخدام ومنصوص عليها فى اغلب المعايير ولكونها عملية اكتر يبقى دى اللى هنتكلم عنها بالتفصيل )
 لاحظ ان الاختلاف بين الطريقتين فى نشاط التشغيل فقط ومتفقين فى انشطة الاستثمار والتمويل والاتنين يؤدون الى نفس النتيجة النهائية .

 ما هى بنود قائمة التدفقات النقدية ؟؟

 قائمة التدفقات تعتمد فى بياناتها على قائمة المركز المالى والدخل .وتنقسم الى ثلاثة انشطة رئيسية :
 -1-نشاط التشغيل (operating activities)
2-نشاط الإستثمار(investing activities)
 3-نشاط التمويل (financing activities )
 خد بالك:-ان كل نشاط من الانشطة الثلاثة دوول جواه تدفق نقدى داخل cash in ، وتدفق نقدى خارج cash out .

ماهى الفرق بين نشاط التمويل ونشاط الاستثمار ونشاط التشغيل ؟ 

يعنى ايه نشاط تشغيل ويعنى ايه نشاط استثمار ويعنى ايه نشاط تمويل ؟؟؟
 لازم تفهم معايا حاجة مهمة جداااااااا "وهى دورة تحول النقدية"الحقيقة فى بدايةتأسيس اى مشروع مبتبقاش بالترتيب ده بتبقى العكس . يعنى تمويل ثم يليها استثمارثم يليها اخيرا تشغيل.مش فاهم حاجة ،،،،،،،،،بص ياسيدى مبدئيا تخيل معايا لو انت عاوز تبدء تعمل مشروع ايا ان كان نشاط المشروع ايه .مبدئيا اول حاجة هتفكر فيها ايه ؟؟؟؟؟؟؟اكيد هجيب فلوس منين ،،،،،،،،، صح ،،،تمام .وبكده يبقى اول نشاط عندنا هو نشاط التمويل( وهو ذلك النشاط المسئول عن تدبير الإموال اللازمة لممارسة نشاط المشروع من المصادر المختلفة )طيب هتمول مشروعك ازاى اكيد من المصادر التالية .
 اما من صاحب المشروع نفسه( وفى الحالة دى هيكون تمويل ذاتى " ) او من الغير( وليكن قروض ) الخ .......ولو تخيلت معايا كده انا بكلمك فى الالتزامات الغير متداولة وحقوق الملكية
 بعد كده تانى نشاط عندنا هو ،،،،،،نشاط الأستثمار( يعنى بعد ما وفرت الاموال اللازمة للمشروع ابدء استخدم "الاستخدامات "تلك الاموال فى ممارسة نشاط المشروع )ركز انا كده بكلمك فى اصولك الغير متداولة فقط طيب
 معلومة على الماشى ،،،،،،
 ليه انا قولت اصولك الغيرمتداولة ومقولتش اصولك الثابتة ؟؟؟؟؟لإن الاصول الغير متداولةاعم واشمل جواها اصول ثابتة ،اصول غير ملموسة ،اصول بيولوجية ،مشروعات تحت التنفيذ....... الخ ، يبقى يتضح ان الاصول الثابتة بند من الاصول الغير متداولة " لذلك مش صح ان كنت قولت اصولك الثابتة فقط .
 "بعد كده ثالث واخر نشاط هو نشاط التشغيل( يعنى ابدء اشغل اصول وممتلكات المشروع فى نشاط الشركة بغرض الحصول على ربح ).ولو ركزت شوية انا كده بتكلم عن نشاط الشركة هلنشاطها " تجارى ، صناعى ، خدمى .... الخ )ويعنى غرض الشركة ايه؟؟؟بتشترى وتبيع ؟؟؟ولا بتصنع ؟ ؟؟ولا بتقدم خدمة ؟؟؟يعنى من الاخرايا ان كان النشاط والغرض ايه نقدر نقول انه الروتين اليومى اللى بيقوم بيهاى محاسب شركة من متابعة موردين وعملاء ....... الخ اسرح بدماغك شوية هتلاقينى بكلمك فى الاصول المتداولة والالتزامات المتداولةامممممم،،،،،،، يعنى انت عاوز تقولى ان فى بداية اى مشروع لابد انه بيمر بالثلاث انشطة دوول بالترتيب التالى :-1-نشاط تمويل 2-نشاط استثمار3-نشاط تشغيل  تمام انا كده فهمتك بس عاوز اسئل سؤال ؟؟؟؟؟؟ليه اثناء اعداد قائمة التدفقات بعكس من تحت لفوق ؟؟؟؟؟؟يعنى ببدء بنشاط التشغيل ثم يليه نشاط الاستثمارثم يليه نشاط التمويل هرد عليك،،،،واقولك لان بكل بساطة انت خلاص بقيت شغال وبتمارس نشاطك اللى انت فاتح علشانه وانت لما جيت تعد القائمة دى بتعدها فى نهاية الفترة الماليةوعندك رقم اعمال ( سواء صافى ربح اوصافى خسارة اوصفر )على حسب نتيجة النشاط يبقى منطقيا هتبدء بنشاط التشغيل " نشاطك الرئيسى " ثم يليه مباشرة نشاط الاستثمار" اصولك الغير متدالة ثم يليه مباشرة نشاط التمويل " حقوق الملكية والالتزامات الغير متداولة "وملحوظة على الهامش نقدر نقول ان المدين والدائن مصطلحات لمصادر الاموال واستخداماتها.يبقى اخدك على الساخن كده قبل ما تسرح منى ،،،،،،،،،،،،،
 واقولك ان قائمة المركز المالى هتلاقى بنودها ثلاثة فقط وهم :-1-الاصول2-الالتزامات 3-حقوق الملكية وركز كده معايا دى معادلة المركز المالى الاصول = الالتزامات +حقوق الملكيةوالتفسير المنطقى للمعادلةهو ان الالتزامات وحقوق الملكية اعباء اى التزامات على المشروع او الشركة نتيجة امتلاكهال تلك الاصول .


 يبقى الخلاصة ان :-الانشطة التشغيلية هتكون اكيد واحدة من دوول او كلاهما
.1-اصول متداولة
 2-التزامات متداولة
 اذن يبقى المعادلة المستخدمة فى تلك النشاط ( نشاط التشغيل )
 هى معادلة رأس المال العامل والتى تنص على ان :-
رأس المال العامل = الاصول المتداولة –الالتزامات المتداولة والانشطة الاستثمارية ( اكيد هتكون من الاصول الغير متداولة فقط)
اذن يبقى المعادلة المستخدمةفى تلك النشاط .

 هى معادلى اجمالى الإستثمار والتى تنص على ان :-
اجمالى الاستثمار = الاصول الغير متداولة + رأس المال العامل لاننا استخدمنا رأس المال العامل فى قسم التشغيل هنا هنستخدم تغيرات الاصول الغير متداولة فقط .

 والانشطة التمويلية ( هتكون اكيد يااما من التزامات غير متداولة او حقوق ملكية او الاتنين معا )
 اذن يبقى المعادلة المستخدمة فى تلك النشاط .هى معادلى اجمالى الإستثمار والتى تنص على ان :-
 اجمالى الاستثمار = الالتزامات الغير متداولة + حقوق الملكية

 يبقى خد بالك ،،،،ان الاجمل بقى ،،،،المعلومة الجاية ،،،،  ممكن تحصل على اجمالى الاستثمار بأحدى الطريقتين السابق ذكرهما.
ولذلك سابقا قبل تعديل المعايير كنا بنفصح فى قائمة المركز المالى بنظهر رأس المال العامل ،ورأس المال المستثمر ( بااستخدام المعادلات اللى ذكرناها )

وكنا بنقول اجمالى الإستثمار ويتم تمويله على النحو التالى :-تبدء تعرض حقوق الملكية والالتزامات الغير متداولة .

طيب سؤال مهم جداااااااا؟ماهى متطلبات اعداد قائمة التدفقات النقدية ؟من الواضح للشرح السابق ان القائمة دى بتعتمد على بياناتها من قائمة المركز المالى وقائمة الدخل يبقى حضرتك هتحتاج الأتى :-1-قائمة مركز مالى بالسنة المقارنة لها 2-قائمة الدخل 3-كشف الاصول الثابتة ،،،
وهتعرف ليه اثناء الشغل عملى .سؤال تانى ،،،،،،،

كيف يتم اعداد القائمة عمليا بالطريقة الغير مباشرة ؟؟

سيتم اعدادها على ثلاثة مراحل كما يلى :-0
1 -يتم اضافةصافى الربح او الخسارة المحاسبى قبل الضرائب من واقع قائمة الدخل وبنزود عليه جميع المصاريف غير نقدية (الغير حقيقية )زى الاهلاكات ،استهلاكات الاصول الغير ملموسة ،خسائر رأسمالية ،المخصصات ،خسائر اعادة تقييم عملات الخ .......يعنى من الاخر اى مصروف غير نقدى ادى الى تخفيض صافى الربح المحاسبى ستقوم برده
.2-امسك بنود المركزالمالى زى ما قلنا سابقا وقسمهم لثلاث انشطة بالترتيب التالى :-
1-نشاط تشغيل 2-نشاط استثمار3-نشاط تمويل
وابدء احسب التدفق النقدى الداخل والخارج من كل نشاط من الانشطة دوول .
علشان نعرف التغيروأى تغير يعنى هنقارن رصيد السنة الحالية برصيد السنة السابقة لكل بند على حدا
لذلك قولنا بنحتاج قائمة المركز المالى مقارنة بالسنة السابقة علشان نعرف الزيادةاو النقص وهل التأثير الحاصل على النقدية بالسلب ام بالإيجاب.
ولذلك كنا قولنا ان الطريقة الغير مباشرة( عبارة عن تسويةبتجرى على صافى الربح او الخسارة المحاسبى قبل الضرائب اما بالزيادةاو النقصان)يعنى ايه تسوية( بالبلدى كده يعنى يبضيف ،يبخصم:::مثال:-المخزون لو زادالعام الحالى عن العام السابق دا معناه ان الشركة اشترت بضاعة دا معناه ان الشركة تكلفت عملية الشراء اذن يبقى هناك تدفق نقدى خارج cash out اذن يخصم. والعكس صحيح .
طيب لو العملاء زادت نفس الكلام دا ليا فلوس نتيجة بيع بضاعة بس مخدتهاش يبقى دا تدفق نقدى خارج يخصم،،،،،،،، وهكذا وطبق القاعدة التالية ،،،،،، احتفظ بها مهمة جدا
.1-الزيادة فى الاصول ( يخصم )2-النقص فى الاصول ( يضاف )3-الزيادة فى الالتزامات ( يضاف )4-النقص فى الالتزامات ( يخصم )

ثالثا بل واخيرا يتم جمع اجمالى التدفقات من جميع الانشطة لرصيد النقدية اول الفترة يدينى رصيد النقدية ومافى حكمها اخر الفترة .
وده كتاب يحتوى على مجموعه من الامثله وكمان تقدر تحفظه عندك لحين الحاجه ليه

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

احصاءات المدونة

جميع الحقوق محفوظة

اتعلم محاسبه

2016