--> content="c4696a06fad95497ae378dd827b45a12"
اتعلم محاسبه

آخر الأخبار

اتعلم محاسبه
كتب محاسبيه
جاري التحميل ...
كتب محاسبيه

كيف تقوم بعمل اقفال وتسويات لحسابات و إعداد الميزانية ؟

اليوم فى مدونه  اتعلم محاسبه وبمناسبه نهايه العام وبدايه عام جديد نناقش معنا كيف تقوم بعمل اقفال وتسويات لحسابات واعداد الميزانيه
 أولا محدش يخوفك من كلمه إقفالات وتسويات نهايه السنه . الموضوع بسيط وسهل بس محتاج انك تكون فاهم وعارف انت بتعمل ايه وعلشان نسهل ليك الامور ونساعدك عمل شويه خطوات عليك الالتزام بها حتى تسطيع اعداد الميزانيه باسرع واقل مجهود ممكن  . ولكن هناك البعض يتسال كيف يتم عمل القيد الافتاحيى اذا كانت الشركه اول مره تقوم باعداد الميزانيات
يمكنك الاطلاع على المقاله التاليه
ماهي الميزانية الافتتاحية وكيف يتم اعدادها؟


يمكنك الاطلاع على الجزء الاول من المقاله



اولا- نهايه شهر 12-2019م وبعد الانتهاء من ادخال جميع القيود الى عندك هتطبع ميزان مراجعه من النظام عندك وهتمسك البنود بند بند .

1- الأصول هتعمل جرد للأصول نهايه العام مع عمل قيد الاهلاك لو شغال سنوي او لو شهرى يبقى انت عملته نهايه كل شهر .
2- بعد كدة بند النقدية بالصندوق هتعمل جرد لكل الصنادق بموجب محضر جرد وتمضى كل مسؤل صندوق علي الرصيد تبعه مع اعتماد المحضر من الإدارة
3- البنوك هتعمل مطابقه نهيه العام مع كل بنك مع توضيح الفروقات في تسويه البنك ان وجدت مع مخاطبه البنك لاصدار شهادة بالرصيد نهايه العام (دى بيطلبها المحاسب القانوني )
4- بعد كدة عهده المناديب و المشاريع نفسها نفس الصندوق محضر جرد وبتم توقيع كل مندوب على عهدته
5- سلف الموظفين يتم عمل مطابقه مع كل موظف للتاكد من الرصيد
6- تدخل بعد كدة على المصاريف المقدمة وطبعا اشهرها الايجار يتم احضار عقد الايجار و متابعه الدفعات ومطابقه رصيد المضروف المقدم مع كشف الحساب و مدة العقود .وهكذا بالنسبة للمصاريف المستحقة .
7- نأتى بعد كدة لبنك العملاء .يتم ارسال مطابقه رصيد لكل العملاء الى عندك طبعا بعد مراجعتها الأرصدة من عندك كمستخلصات وفواتير بيع .هنا فيه شغله مهمه جدا ( العملاء بيكون فيها مستحقاق على للشركة كالدفعات المقدمة من العملاء و مستحقات للشركة كرصيد فواتير بيع او مستخلصات هنا يفضل ان يتم الفصل و اظهار حساب العملاء بندين في الميزانية بند عملاء للمبالغ المستحقه للشركة (مدين ) وبند أخر عملاء دفعات مقدمة ( دائن ) . ونفس الشى يتم عمله للموردين و مقاولي الباطن بعد مراجعه الاصردة ومطابقه الحسابات معهم ( ممكن تلاقى فاتورة لم تسجل او دفعه لو تسجل وهكذا )
8- بند المحزون ودا مش في كل الشركات (شركات البيع اغلبها ) يتم عمل الجرد حسب الطريقه المتبعه في الشركة .
9- بند الإيرادات يتم عمل حصر لجميع مستخلصات خلال العام ومطابقتها بإجمالي الإيرادات للتاكد من المبلغ وكذلك المصاريف ويتم عمل تحليليى للمصاريف المشاريع و التسويق و العمومية .

ثانيا  بعد الانتهاء من كل هذا هتوصل لميزان المراجعه بالارصدة

1- هتفتح قائمة الدخل وتنزل البنود ( يختلف شكل قائمة الدخل حسب النشاط ) يعنى المقاولات عبارة عن إيرادات يطرح منها مصاريف مشاريع يطرح منها مصاريف عمومية = صافي الربح )
قائمة الدخل لشركات المبيعات لها شكل اخر مبيعات و مشتريات و مخزوم اول المدة و اخرها وهكذا )
لمعرفه كيفيه اعداد قائمه الدخل مع مثال عملى اضغط هنا

2- بعد كدة هتفتح الميزانية عندك وتنزل فيها البنود بند بند ( فيه بعض البنود بتحتاج شويه فكرة وخصوصا لو عندك التزامات لاكثر من سنه دى بيتم فصلها الى التزامات قيصرة الاجل و طويله الاجل دى بقى الفنيات الي بتختلف من محاسب لمحاسب بس الموضوع في النهايه سهل وبسيط )
3- دى حاجة مختصرة لتقفيل أخر السنه .وأعذروني لو فيه أخطاء إملائية .
لمعرفه كيفيه اعداد القوائم الماليه اضغط هنا 
 كورس اعداد القوائم الماليه لدكتور احمد عبد النعيم من هنا
المقاله مرسله لنا من عضو ( مراد على ) 

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

احصاءات المدونة

جميع الحقوق محفوظة

اتعلم محاسبه

2016