-->
random

آخر المواضيع

random
recent
جاري التحميل ...
recent

كيف تبدا حياتك بعد التخرج؟ |كيف تبدأ حياتك المهنية بعد التخرج؟ |ماذا بعد التخرج في الجامعة؟



فى موقع اتعلم محاسبه هنتكلم عن موضوع مهم هوكيف تبدا حياتك بعد التخرج؟ او 10 نصائح لخريجى تجاره لاحتراف الحياه العلميه او كيف تبدء صح حياتك المهنيه  ؟
الاجابه هتكون  شوية نصايح   لو عاوز تختصر علي نفسك كتير من الهري والقرف ودا مايمنعش انك هاتخوض تجربتك بصعوبتها واخفاقتها قبل نجاحاتها

اولاً:ابتعد عن الاحباط لكى تبدا حياتك بعد التخرج

اى يسد ودانك عن اي كلام محبط ان الايام الجاية هي الاصعب وان مفيش شغل والكلام العبيط ده الكلام ده سمعناه قبلك واللي قبلنا سمعوه من اللي قبلهم وسلسلة سخيفة من الاحباط انت تقدر تنجح وتعمل احلي فلوس واحلي عيشة حتي في ظل الظروف اللي البلد بتعدي بيها

ثانياً: تخرجك من كليه التجاره هو البدايه يعنى

البكالوريوس هو بداية المشوار مش نهايته لسه المشوار طويل (بس ممتع لو اتعاملت معاه كرحلة نجاح)

ثالثا:يجب عليك تعلم الانجليزيه 

ليه  الانجليزي لانها الكلمة السحرية للشغل والفلوس ومش صعب ومش غالي مش ضروري تروح جامعة امريكية او مش عارف ايه فيه اماكن ارخص وبتوصلك لمستوي كويس وكله من غير اجتهادك مالوش اي لازمة
فيه كورس اونلاين اسمه learn real english دا جامد جداً وهايوصلك لمستوي عالي في ٢٨ اسبوع نزله من النت

رابعاً:التدريب  في مكتب محاسبة

 التدريب سنه فى مكتب محاسبه دا اكبر اشتغالة عرفها تاريخ المحاسبين مكاتب المحاسبة مش مدارس دي فحت وردم وعشان تتعلم منها محتاج ترسي فيها ٣ سنين عالاقل ويكون مكتب مراجعة مش اجراءات بس وتكون واد بتاع شغل ومابتفوتش كبيرة او صغيرة غير لما تتعلمها

خامساً :يجب عليك الحصول على كورسات محاسبيه 

وعلشان نساعدك جمعنا ليك اهم الكورسات المحاسبيه اضغط هنا لاطلاع عليها

خد كورسات محاسبة مهما كان الشغل اللي انت هاتنزله مدام قررت تبقي محاسب يبقي لازم تدريب وتطوير الشغل هايديك نص معلومة ونص الصورة مش هاتعرف تجمعها بسرعة الا من خلال التدريب والكلام دا طول مانت في المهنة

سادسا دارسه احدى الشهادات الدوليه

وفى البدايه نرشح ليك شهاده محاسب ادارى معتمد  cmaشهادة محترمة وقوية وهاتفتحلك فرص كتير

سابعاً:علشان تكون محاسب محترف

عشان تبقي محاسب نجم في وقت قليل اتعلم الحاجات دي بالترتيب
المحاسبة المالية وعلشان نسهل عليك الامور ده تجميعه لاهم كتب المحاسبه الماليه اضغط هنا لاطلاع عليها
معايير المحاسبة المصرية
معايير المحاسبة الدولية ifrs
الحاجات دي في خلال سنة هاتخليك تناطح ناس بقالها اكتر من ٢٠سنة في المهنة


ثامناً :ازاى تكون محاسب قانونى 

عشان تبقي محاسب قانوني لازم تشتغل في مكتب محاسبة ٣سنين يكون متامن عليك ومسجلك في سجل المحاسبين والمراجعين مش انك تعمل دبلومة في كلية الحقوق 😂

تاسعاً:جرب علشان تتعلم 

ده تجميعه لاهم اسئله الانترفيو  اضغط هنا لاطلاع عليها 

انزل السوق وحش واخشن ماتتهزش من اي حد او حاجة وانت رايح الانترفيو اتعامل مع الموقف انك رايح تعمل صفقة مش امتحان واستعد ان ايصدمة او مشكلة تقويك وتبصلها وانت بتضحك هاتلاقيها عدت

عاشراً واخيراً:الصلاه والتوكل على الله دائما

الصلاة والدعاء هما الباب السري للنجاح والتوفيق مع الاجتهاد بالتاكيد

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

اتعلم محاسبه

2023