خطه تعلم المحادثه للمبتدائين 2018

الخطوات دي هتبقي للمستوي المتوسط مش المبتدئين لان مش ينفع حد لسا في البداية يفهم الفيديوهات بسهولة ، غير لو هو بيتفرج علي افلام كتير و عنده حصيلة كلمات معقولة ولكن مش بيعرف يتكلم وعايز يطور المهارة دي بس. الخطوات دي ممكن تاخد مش شهرين الي اربع شهور و لازم تعملها زي ما هشرحها بالظبط و ان شاء الله هتلاقي نتيجة حلوة جدا. مفيش فيها كتب غير كتاب صغير 30 صفحة بس و الباقي كله معتمد علي التكرار و الفهم طبعا و انك تطلع معاني كل الكلمات الجديدة عليك. اي كورس يطلب منك كلمة سر هتبقي michaelyoussef (تقدر تفك الضغط علي الويندوز او الاندرويد او الايفون عادي بس استخدم برنامج فك ضغط طبعا)
دي الكورسات
الاول
English Speaking Patterns Mastery: Upgrade your English.

في الكورس دا هتتعلم 19 تعبير للمحادثة و كل تعبير عليه 3 فيديوهات و معاه ملف صوتي لاستماع و ملف PDF

الكورس التاني

English Grammar Launch Advanced: Upgrade your speaking

في الكورس دا هتتعلم 15 بنية للجرامر و المحادثة و كل بنية عليها 5 فيديوهات و معاه ملف صوتي للاستماع و ملف PDF ، الاول بيجبلك المعني و امثلة ، البنية ازاي تكونها بالجرامر ، ملاحظات ، تمرين علي التحدث بها و اخيرا تمرين علي الاستماع.

الكورس الثالث (لو نزلت خطة الايلتس هتلاقي الكورس الكامل داخل الخطة لانه جزء من الكورس بس)
IELTS Speaking Get 7-9

 او حمل من هنا 

 

الكورس دا عبارة عن 17 فيديو (كل فيديو معاه ملف PDF خاص به) و هي عبارة عن اجابة لسؤال و البنت بترد علي السؤال و الكلام مكتوب في ال PDF. فيه كمان الكتاب الوحيد في الخطوات و هو كتاب عن الازمنة بيعلمك 15 بنية في القواعد و هو 30 صفحة بس.
الخطوات :D 
انا هقولك علي اسلوب المذاكرة لكن مش هعمل جدول علشان كل واحد هيبقي وقته مختلف عن التاني ، يعني براحتك و كل ما تتمرن اكتر مستواك هيتحسن.

ملحوظة: انا مردتش اعمل حاجة كبيرة علشان الناس مش تتعقد و تقول مش هنذاكر ، كان عندي افكار تانية بس قلت كفاية كدا.