--> content="c4696a06fad95497ae378dd827b45a12"
اتعلم محاسبه

آخر الأخبار

اتعلم محاسبه
كتب محاسبيه
جاري التحميل ...
كتب محاسبيه

ازاي تكتب الكورسات الأونلاين في الـCV بتاعك؟ |طريقة كتابة الكورسات الأونلاين في الـسيرة الذاتية CV


فى هذه المقاله سوف ننتاقش فى مدونه اتعلم محاسبه فى موضوع مهم وهوازاي تكتب الكورسات الأونلاين في الـCV بتاعك؟ او كيف تقوم  بكتابة الكورسات الأونلاين في الـسيرة الذاتية CV   .


خلال الخمس سنين الأخيرة، الكورسات الأونلاين أصبحت تريند تعليمي عالمي، والمعظم أصبح يتجه ليها ويتعلم على الإنترنت خصوصًا أن الكورسات معظمها متاح ببلاش أو بتكلفة رخيصة جدًا ومن جامعات ومؤسسات عالمية كبيرة زي جامعة هارفارد وستانفورد وMIT وشركات زي فيسبوك وجوجل وميكروسوفت بيقدموا كورسات من خلال مواقع مختلفة.
- تقدر تتعلم حاجات كتير جدًا من خلال مواقع متخصصة في الكورسات الأونلاين زي (كورسيرا - ايدكس - يوداستي وغيرهم.. دول بالانجليزي.. في مواقع عربية زي رواق، ادراك - مهارة) للناس اللي الانجليزي عندهم ضعيف. 
يمكنك ايضا الاطلاع على اهم اسئله الانترفيو 
..

هل الكورسات الأونلاين بتعادل الشهادة الجامعية؟



لا. الكورسات الأونلاين هي مجرد وسيلة تطور بيها مستواك أو تتعلم بيها مهارة معينة من البداية لحد الاحتراف.. لكنها لا تعادل الشهادة الجامعية.. يعني مثلا انت ممكن تاخد كورسات اونلاين في مجال الفارما او التشريح لكن دا مش معناه انك كدا بقيت دكتور او حاصل على بكالريوس طب. لكن على الناحية الأخرى انت في مهارات ممكن تتعلمها من خلال الانترنت بدون ما تكون محتاج انك تدخل جامعة زي مثلا (web development - Graphics - Marketing ) وما شابههم. وتقدر تشتغل بيهم ومعظم اللي اعرفهم شغالين في المجالات دي اتعلموا ذاتيا على الانترنت وتخصصاتهم الجامعية بعيدة تمامًا عن المجالات دي.

..

- هل كل الكورسات الاونلاين بتتكتب في الـCV ؟


لا طبعًا. الموضوع يعتمد على عوامل كتير زي مثلا قوة الكورس نفسه، الجهة اللي بتشرحه، هل كورس ولا تخصص (يعني مجموعة كورسات مرتبطة)، هل في شهادة معتمدة ليه ولا مجرد فيديوهات بتشوفها وخلاص...الخ. بردو الموضوع مرتبط بالوظيفة اللي انت مقدم عليها... يعني لازم الكورسات اللي تذكرها في الـCV يكون ليها علاقة بالوظيفة اللي انت مقدم عليها مش مجرد حشو وخلاص.

لو انت مقدم على وظيفة في مجال Social media marketing يبقى تذكر فيها كل الكورسات الأونلاين المهمة المرتبطة بالمجال دا.. لكن انك تقول انك واخد مية كورس اونلاين في مجال الهندسة مثلا دا مش هيكون ليه اي قيمة ولا أهمية ولا لازمة فمتكتبهوش في السي في.


- من الأمور المهمة هي أنك تغير السيرة الذاتية حسب الوظيفة اللي بتقدم عليها كل مرة، وتضيف او تحذف الحاجات اللي تخلي السي في بتاعك كله مرتبط وبيدور حول الوظيفة اللي بتقدم عليها. لكن متعملش نسخة واحدة وتبعتها لكل الوظايف اللي في بالك لانك غالبا هتعاني بعدها...

- ازاي بقى تكتب الكورسات الاونلاين المهمة في الـCV؟


الكورسات بتتكتب في جزء (Training and Certificates) كالتالي:

- في أول سطر اسم الكورس أو التخصص اللي درسته أونلاين

- تاني سطر الموقع اللي أخدت منه الكورس وجمبه اسم الجهة اللي قدمت أو شرحت الكورس دا. ولو كان الكورس دا ملوش شهادة معتمدة تقدر تشتغل بيها أو تفيد انك بقيت متخصص في المجال دا من جهة اعتماد واضحة واقتصر الموضوع على شهادة حضور بس هتكتب انه (training)، لكن لو الكورس ليه شهادة تفيد انك أصبحت متخصص زي الدبلومات مثلا تكتب انه (Certificate)

- آخر سطر تكتب فيه الشهر والتاريخ اللي حصلت فيهم على الكورس.

يعني مثلا لو انت اخدت كورس Operation Management من ايدكس وبتقدمه جامعة ستانفورد، وانت بتقدم على وظيفة في المجال دا
- Operation Management (Online Course)
Edx, Stanford University 
Training 
July 2017. 
...



أخيرًا مش معنى أنك أخدت كورسات أونلاين كتير أن دا هيضمنلك القبول في وظيفة، لكنه بالتأكيد بيؤخذ في الاعتبار عند أخوانا بتوع الاتش ار، وبيزود فرصك في الحصول على الوظيفة أو التدريب. وبردو الموضوع دا نسبي بيختلف من شخص لآخر، يعني في ناس في الاتش ار مبيبصوش على الكورسات الاونلاين ومبتبقاش معيار بالنسبة لهم، وفي ناس تانية بيركزوا فيه وبيبقى معيار في القبول والرفض عندهم. المهم انت اعمل اللي عليك واكتب الكورسات المرتبطة ومتحطش أي حشو في الـcv ملوش لزمة. والله الموفق               

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

احصاءات المدونة

جميع الحقوق محفوظة

اتعلم محاسبه

2016