--> content="c4696a06fad95497ae378dd827b45a12"
اتعلم محاسبه

آخر الأخبار

اتعلم محاسبه
كتب محاسبيه
جاري التحميل ...
كتب محاسبيه

هل تعلم ماهى أهم الشهادات المهنية المحاسبية ؟

السلام عليكوا اليوم سوف ناقش موضوع هام يشغل بال المحاسبين وحديثى التخرج ماهى اهم الشهادات المهنيه المحاسبيه سوف نستعرض فى النقاط التاليه اهم الشهادات المهنيه المحاسبيه

1) شهادة محاسب قانوني معتمد  CPA


دي اقوي شهاده في المراجعه والحسابات ودي صعوبتها ان امتحانها كان في امريكا دلوقتى اصبحت في دبي ولبنان والامارات وغيرهم و بردو نسبيا بتغطي اللي موجود في CIA بس مجالها مراجع خارجي يعني هو اللي بيراجع حسابات الشركه من مكتب مراجعه ومحاسبه ويقدر يختم علي القوايم انها سليمه وطبعا فيها كل معايير المحاسبه الدوليه والامريكيه.

2) شهاده CIA المراجع الداخلي 

ودا مسؤل عن انه يراجع كل حاجه جوه الشركه
كمان انه يراجع حسابات ويراجع اللوائح والاجراءات الخاصه بالشغل وان الحسابات مابيحصلش تلاعب فيها واخر حاجه انه يكون في نظام رقابي يمنع او يقلل السرقه والاختلاس والكلام دا. شهاده CIA بتغطي الكلام دا كله وفي شهاده تانيه اسمها CFE – Certified Fraud Examiner بردو بتغطي الكلام دا بس CIA معروفه اكتر والاتنين تقريبا بيكملو بعض.

3) شهاده محاسب ادارى معتمد  CMA 

دي بتاعه اللي جوه الشركه بيشتغل في التكاليف او الموازنه او التخطيط الاستراتيجي ، يعني بيعمل طيب؟؟
بص يا سيدي الشهاده بقت تركز دلوقتي علي حاجتين اللي هما تكاليف وموازنه يعني الاداريه العليا لما تحب تسأل حد عن رؤيه مستقبليه للشركه مش هتسأل المحاسب المالي لا دي لازم تسأل حد فاهم النشاط وفاهم تكاليف وفاهم حسابات وفاهم ازاي يعمل Business Plan وفاهم شويه حاجات تانيه في السوق بقي والاقتصاد شويه وكدا عشان يحول الكلام دا كله لأرقام علي شكل قايمه دخل وميزانيه. 😃😃
كمان ال CMA اول خطوة للحصول علي

4 - شهادة CSCA 

وبالتالي الارتفاع في الهيكل التنظيمي للمنشأة ورسم السياسات الخاصة للشركة واتخاذ القرارات الإستراتيجية

5) شهاده محلل مالى معتمد CFA

 بقي دي شهادة ببساطه كدا خاصه بالتحليل المالي وتقييم الشركات اللي في السوق أي كان نوعها ايه في البورصه او بره البورصه ، وممكن يكون هدف التقيم بيع الشركه او شرئها او الاستحوازات او غيرها من الاهداف اللي لازم تقيم الشركه فيها عشان ماحدش هيشتري من غير سعر منطقي.
طيب انت هتدرس الشهاده عشان بس كدا !! لا طبعا الشهاده دي فيها حاجات تانيه كتير 3 مستويات وكل مستوي 10 مواد وهيا هيا المواد في كل مستوي بس نسبه التركيز علي اهميه الماده لإجمالي المواد بتختلف.
طب اللي معاه الشهاده ممكن يشتغل ايه؟
عدد اللي معاهم الشهاده قليل واي حد ممكن يدرسها بس في الاخر اللي معاه الشهاده هو بس اللي عدي ليفل الوحش 😂
بيشتغل بقي في التحليل المالي بس بيتميز انه بيكون في بنوك اسثماريه مثلا او شركات سمسره زي مباشر او شركات استشارات ماليه او بنوك في اداره محافظ الاستثمار وليها حاجات كتير تانيه.

6- هل هناك شهاده مهنيه اخرى فى المحاسبه  ؟؟

في شهادات كتير جدا بس اللي قلتهم دول اللي معروفين واللي معظم المصريين بيدرسوهم عشان شهادات امريكيه واسهل من الشهادات البريطانيه زي ACCA ودي زي CPA الامريكيه.

7) لان جاء وقت اتخاذ القرار  !!

عشان تعرف انت عايز ايه لو انت بتحب الروتين وبتمشي عالخط ماتسيبهوش وبتحب النظام يبقي مجالك مراجعه سواء داخليه او خارجيه CPA, CIA.
طب لو انت مش كدا وبتحب تشتغل شغل فيه تفكير وتخطيط وتعرف تبص بره الصندوق وتمشي عالحيط والكلام دا يبقي كدا مجالك تحليل مالي وهيبقي قدامك الشهادتين CMA, CFA.
كل شهاده ليها مصاريف وكمان ليها اماكن بتدرسها ، وانت لو نفسك مثلا تاخد CPA ومش معاك فلوسها يبقي هتروح لل CIA وتدرسها مع نفسك مش كورس وبعد كدا لما تشتغل في مكان تاني تجمع فلوس CPA وتاخدها. ونفس القصه للباقي، بس لازم تحدد انت محتاج انهي شهاده وتبتدي فيها.
طب تعالى للمفيد بقي 🤔
معظم اللي بيتم ان الخبره هيا اللي تاخدك وتجيبك في الاول مش الشهاده، يعني لو عرفت تخلي خبرتك في مجال انت حبه وزودت الموضوع بالشهاده اللي انت عايزها تبقي انت كدا برنس زمانك، طب لو ما عرفتش يبقي هتشتغل في مجال ليه علاقه بشغل الحسابات او المراجعه او التمويل و ولما بتخلص الشهاده وبتبتدي تدور بقي علي المجال اللي انت عايزه وساعتها انت لازم تثبت نفسك وبتثبت انك تستحق الشهاده عشان مامعكش خبره في المجال.😅

8- طب هل في شهاده اقوي من شهاده ؟؟

مافيش حاجه اسمها كدا، كل شهاده ليها تخصصها اللي معموله عشانه وكلهم ليهم شغلهم اللي يكملو بعض بيه ومافيش شهاده بتناقض شهاده تانيه، مش هتلاقي معلومه في CMA حاجه وتلاقيها في CPA بتقول حاجه تانيه.
طب انا ممكن الاقي ناس طالبه مثلا مدير مالي ويكون معاه CMA or CPA or MBA اه طبيعي جدا مش عشان الشهادات زي بعض لا خالص, دا عشان الشغلانه فيها حاجات كتير والشهادات فيها حاجات مشتركه يعني المدير المالي مش متخصص تكاليف بس ولا حسابات وضرايب بس، لا دا المدير المالي لازم يكون فاهم في كل حاجه ولو بنسب متفاوته. انما لو مثلا مطلوب مدير صناديق استثمار دي شغلانه لازم اللي يشتغلها يكون معاه CFA أي شهاده غيرها ملهاش لازم.
فانت ريح نفسك وادرس اللي بتحبه واجتهد ومع الوقت هتلاقي ربنا بيكرمك وبتوصل في مجالك

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

احصاءات المدونة

جميع الحقوق محفوظة

اتعلم محاسبه

2016