تعلم كيفيه كتابه السيرة الذاتية C.V بشكل احترافي
تكمن اهميه السيره الذاتيه C.V بانها تُعدّ هي مفتاحك للحصول على وظيفة محترمه ، وتُعدّ الانطباع الأول الذي يحصّله اصحاب العمل عن المتقدم للوظيفه ، فالسيره الذاتيه تتكون من معلومات عن المتقدم الى الوظيفه وعن دراسته وخبرته ومؤهلاته وحتى هواياته.
ومن هنا تاتى اهميه السيره الذاتية ، لذلك وجب على كلّ شخص العناية بكتابة سيرته الذاتية، والسعى في إخراجها على أفضل صورة.
فسوف تتعرف من خلال هذا المقال على الآتي فقط على موقع اتعلم محاسبه :
▪ غالبا ال c.v بتاع حضرتك هو مهمته ▪بعد كدا بيتم المقابلة الشخصية .. خلال المقابلة بيكون الشخص المسؤول عن المقابلة بيدون ملاحظاته .. ودي غالبا هي المرجع ال هيعتمد عليه في باقي الخطوات .. ▪والهدف العام لل C.V هو إن الشركة تتأكد من مواصفات المتقدم للوظيفة مع شروط الوظيفية او مهامها .. لان زي ما إحنا عارفين كل الناس بتقدم علي كل الوظائف 
😄▪أضف إلي ذلك إن ال C.V هو أداه تعريفية بحضرتك كموظف في الشركة .. مش حياتك الخاصة .. يعني الشركة مش هتفرق معاها إن كنت حضرتك إتعلمت في مدرسة لغات أو عربي .. ولا هتفرق إذا كنت بتحب ال BasketBall ولا لأ 
😅 ،، وكل المعلومات الشخصية ال علي نفس الشاكلة ..يمكنك الاطلاع من هنا على اهم اسئله المقابلات الانترفيو
ولذلك إحنا هنقسم ال C.V لخمس نقاط نتكلم فيهم ..
اولا : البيانات الشخصيه تكون الجزءالاول عند كتابه السيره الذاتيه
وهنا حضرتك هتكتب إسمك رباعي وعنوانك والتليفون والايميل وحالتك الاجتماعية وطبعا موقفك من التجنيد ..▪طبعا التليفون والايميل عشان التواصل بس بلاش ايميل باسم الدلع الله يكرمك 😄▪الموقف من التجنيد عشان يعرفو إلي أي مدي هتبقي مستقر في الوظيفة إل بيساعد علي إستقرار المنظمة ▪العنوان مهم عشان الشركة عاوزة تعرف مدي قربك من مكان العمل .. وهل دا هيأثر علي الانضباط بالمواعيد ؟ هل بعد المسافة هيأثر انك توصل الشركة مرهق ومش مركز ؟ لذلك يفضل تكتب عنوان قريب من الشكرة لو كان متاح
ثانيا : المؤهلات العلميةوتمثل الجزء الثانى من السيره الذاتيه
في الجزء دا بيتم كتابة كل الشهادات العلمية إل تم الحصول عليها من الجامعات او الدراسات الاكاديمية عامة .. زي مثلا الجامعة .. دبلومات دراسات عليا .. ماجستير ودكتوراة .. وما شابه ذلكبيتم كتابة الاحدث ف الاقدم .. مع ذكر الجهة المانحة للشهادة والتخصص وسنة الحصول عليها
ثالثا الخبرات العمليةوهى الجزء الثالث من كتابه السيره الذاتيه
بنكتب الوظائف ال تم العمل فيها وال الجهات التابعة لها
الكتابة بتكون من الأحدث للاقدم ..
مفيش مانع نكتب أماكن ال اتدربنا فيها في مع توضيح ذلك .. خاصة لو كانت مدة التدريب كبيرة ..
بس خلي بالك هنا لو انت بكالريوس بقالك 5 سنين مثلا ، مينفعش تكتب انك اشتغلت في 6 وظائف ، لأن دا بيدل علي إنك غير مستقر ودي مش صفة كويسة في الموظفين ..
رابعا الدورات التأهيلية والكورسات الاونلاين وهى الجزء الرابع من كتابه السيره الذاتيه
ازاي تكتب الكورسات الأونلاين في الـCV بتاعك؟ |طريقة كتابة الكورسات الأونلاين في الـسيرة الذاتية CV
هنا بقي إكتب كل الشهادات ال حصلت عليها .. وخلي بالك بردو من الاحدث للاقدم ..
هتكتب اسم الكورس والجهة المانحة ..
ولو في اي مادة او كورس ذاكرته مع نفسك في البيت هتكتب جنبيه دراسة ذاتية ( اسم المؤلف او المُعد للماتريال )
خامسا : المهارات الشخصية
هنا هتكتب مهارات .. بس مش مهارات الخاصة زي السباحة والجري😅هتكتب المهارات ال تساعدك في إنجاز الوظيفة دي بنجاح .. وهنا مش هقول أي أمثلة عشان كل واحد يدور جواه علي المهارات ال يملكها فعلا ( غالبا أساسا ال HR مش بيصدقك في الجانب دا )
😂#وأخيراا
▪وانت بتقدم ال C.V بيبقي في رسالة في البداية بتوضح ليه انت حابب تشتغل في الوظيفة دي .. طبعا هم بيبقو كلمتين محفوظين ( وبردو ال HR غالبا مش هيصدقك ) 😄
✋▪ال C.V بيكون صفحة واحدة أو اتنين علي أقصي تقدير . ▪ال C.V بيكون عربي أو إنجليش حسب الجهة المقدم إليها ▪ال C.V بيكون لون واحد مع اختلاف في حجم الخط ▪الصورة الشخصية مش مهمة في ال C.V بس لو هتضيفها يبقي لازم Formal ..وفى النهايه نقدم لك 24 نموذج باللغه العربيه قابله للتعديل على الورد وقد قمنا برفعها على ثلاث سيرفيرات
ربط التحميل " اضغط هنا "
